Restons en contact !

Les réseaux sociaux

  • Retrouvez-nous sur Linked-in
  • Retrouvez-nous sur Twitter
  • Retrouvez-nous sur YouTube
  • Retrouvez-nous sur Facebook

Renseignements

Lannion-Trégor Communauté
Bât. A - rue Claude Chappe
22300 LANNION

02 96 05 09 00

Un tiriad bev hag unvan

Partager :

Ar gumuniezh

Ar gumuniezh tolpad-kêrioù zo un diazezadur publik a genlabour etrekumunel (EPCI). Abaoe ar 1añ a viz Genver 2017 zo bodet 57 kumun enni, 118 000 a dud o vevañ enne.

Ar genskoazell eo ac'h a d'ober diazez an unvaniezh etre ar c'humunioù-se. Fellout a ra dezhe ober asambles ar pezh n'hallfe ket ur gumun ober hec'h-unan.

An istor

1994 : krouidigezh ar gumuniezh-kumunioù

2003 : krouidigezh ar gumuniezh tolpad-kêrioù Lannuon-Treger (20 kumun enni)

2014 : krouidigezh Lannuon-Treger Kumuniezh diwar bodañ Lannuon-Treger Tolpad-kêrioù gant Beg ar C’hra Kumuniezh ha kumun Perroz-Gireg (29 c’humun enni)

2015 : kresket ar gumuniezh diwar kendeuziñ gant Kumuniezh-kumunioù Kreiz-Treger (38 kumun en holl) 

2017 : kresket ar gumuniezh adarre diwar kendeuziñ gant Kumuniezh-kumunioù Treger-Uhel ha Kumuniezh-kumunioù Gourenez Lezardrev

57 kumun evit reiñ lañs asambles d’o zachad

Ul lodenn vras eus « Treger Vras » istorel eo an tachad nevez-savet evit klotañ gant un doare da verañ ha da vont en-dro hag a laka anezhañ da vezañ ul lec’h bevañ kempouez.

Emañ ar c’humunioù-se kichen-ha-kichen ha prederiet e vezer enne gant ar memes aferioù, se zo kaoz int en em gavet en un doare naturel evit labourat asambles war sujedoù ha raktresoù a-leizh.

Dre o obererezhioù eo deuet an dud hag an embregerezhioù a zo enne d’ober eskemmoù etreze (labour, stalioù, servijoù, diduamantoù, skolioù…).

Gant ar gumuniezh nevez-kresket-mañ hag al lusk a zeuio da-heul, e vo sachet muioc’h-mui a dud hag a nerzhioù war-zu Bro-Dreger, gant sikour ur raktres kempouez ha kempoell evit ar c’hornad da glotañ gant ezhommoù dibar Bro-Dreger.

An tachennoù a vez graet war o zro gant an tolpad-kêrioù

Ober a ra Lannuon-Treger Kumuniezh war-dro meur a dachenn anez ankouaat ec’h eo reiñ lañs d’an ekonomiezh « kalon he labour » :

 

-       Reiñ lañs d’an ekonomiezh, d’an niverel (kas uhel-kenañ) ha d’an touristerezh

-       Ar gelennadurezh uhel, an enklaskoù, an neveziñ

-       Kempenn tachenn ar gumuniezh hag aesaat mont-dont enni pe etrezek enni

-       An treuzdougen

-       Tiez ar servijoù d’an dud (MSAP)

-       Ar c’hempouez sokial evit al lojeiz

-       Politikerezh ar c’hêrioù er gumuniezh

-       An hentoù hag ar parklec’hioù e dalc’h ar gumuniezh

-       Gwarez ha brudañ an endro naturel hag an endro bevañ

-       Merañ al lastez hag an dibab lastez a-ziforc’h

-       An dour hag ar yac’husaat (pe e vefe a-stroll pe ne vefe ket)

-       An ostilhoù sport ha sevenadur e dalc’h ar gumuniezh, kelennadurezh ar sonerezh

-       Ar poloù Bugaligoù, Bugale-Yaouankiz (a zo staliet e Plouared, Kawan, Landreger ha Planiel)

-       An obererezh sokial a-fet reiñ bod d’an dud war an oad (AHDOD ar C’havell e Trebeurden) ha kas predoù d’an dud er gêr (poloù Kawan ha Planiel)

-       Ar c’henlabour digreizennet gant Haiti hag ar Mali